Pitali smo poznatog crnogorskog slikara Gorana Ćetkovića kako provodi vrijeme?

U vremenu socijalne distance, zbog svima poznatih okolnosti, umjetnost nastavlja svoj život.

Tako je i u mom stvaralaštvu. Umjetnost je svakako način života a život sam po sebi je jedno umjetnicko djelo.Opste je poznato da velike stvari, velika djela nastaju u nelagodnim i teškim okolnostima. Tako, bez obzira koliko situacija izolacije i otuđenosti, negativno utiču na čovjeka, ona sa sobom nosi za umjetnika i dobre stvari.

Jedan poznati pisac je jednom rekao, najjači sam kad mi je najteže.

Moje slikarstvo je od početka inficirano raznoraznim virusima. Burna dešavanja 90-ih i mnoge druge okolnosti su uticale da moja umjetnost, još od tada, se bavi problematikom otuđenosti i izolovanosti savremenog čovjeka. To je zastupljeno u ciklusima Glasovi tišine a onda i u Zubu vremena.

Isto je i danas gdje u osami ateljea nastaje veliki broj akvarela, ulja , sa istom tematikom. Ovo je vrijeme kad treba još više da se zapitamo i zamislimo kuda ide današnji svijet.

Ne možemo birati vrijeme u kojem živimo, ali svakako je ovo naše vrijeme...